Berdevka Wezareta Derve ya Rûsyayê Marya Zaxarova ragihand, gotûbêjên wan ên siyasî yên li ser astên cuda bi Hewlêr û Bexdayê re dewam dikin û ew ê pêwendiyên xwe hîn zêdetir bi pêş ve bibin.

Marya Zaxarova ji K24ê re got: “Pêwendîyên me yên berfireh bi Hewlêr û Bexdayê re hene û em bi berdewamî gotûbêjên siyasî di astên cuda de bi pêşve dibin. Balyozxane û konsulxana me li Bexda û Hewlêrê bi awayekî aktîv kar û çalakiyên xwe dikin û pêwendiyên me di asteke baş de ne û em wan bi pêş ve dibin.”

Zaxarova herwiha got: “Bêguman li herêmê şert û mercên cuda û aloziyên cuda hene, lê her dem zehmetiya jiyanê heye, ji ber wê em hewl didin hemû kêşe û pirsgirêkan bi awayekî avaker çareser bikin.”