Li Herêma Kurdistanê 17 kesên din bi Koronayê can dan û 540 kes jî pê ketin.

Wezareta tenduristiya Herêma Kurdistanê amarên 24 saetên borî yên Koronayê ragihand.

 Li gorî amarên han, di nav 24 saetên borî de 540 kes li Herêma Kurdistanê bi Koronayê ketine û 293 nexweşên Koronayê jî baş bûne.

Wezareta tenduristiyê da zanîn, ji duhî de 17 kes jî bi Koronayê can dane û hejmara miriyan gihîştiye hezar û 49 kesan.

Ji destpêka belavbûna Koronayê ve heta niha 28 hezar û 161 pêketiyên Koronayê li Herêma Kurdistanê hatine tomarkirin ku 17 hezar û 679 kes ji wan baş bûne û hezar û 49 kes jî mirine.