Parlimanterekî berê yê Meclisa Iraqê got: “Tenha rêya girtina pêşiya qaçaxa Dolar li Iraqê, şidandina kontrolkirina derbasgehên sînorî û balafirgehên Herêma Kurdistanê ye.”

“Serkevt Şemsedîn”, di hevpeyvîna bi Ajansa nûçeyan a Bexda El Yewmê re got: “Heke hikûmeta Iraqê dixweze qaçaxa Dolarê Amerîkayê kontrol bike, divê pêngavên xwe yên ewlehiyê li balafirgeh û derbasgehên sînorî yên Herêma Kurdistanê girantir bike.”

 Şemsedîn herwiha got: “Balafirgeh û derbasgehên sînorî yên Herêma Kurdistanê ji aliyê kesên bibandor û desthilatdar ve tên birêvebirin, her ji ber vê yekê divê tivdîrên giran ên ewlehiyê ji aliyê hikûmeta Federal a Iraqê ve werin sepandin ji ber ku qaçaxa Dolar û tiştên din ji balafirgeh û derbasgehên sînorî yên Herêma Kurdistana Iraqê ve hîn jî didome.”