Serokê Partiya Demokrat a Kurdistana Iraqê(PDK) Mesûd Barzanî îro 4/1/2022an pêşwazî li şandeke bilind a Tevgera Sedirê bi serokatiya Şêx Hesen El-Ezarî kir.

Di hevdîtinê de, proseya siyasî ya Iraqê, derencamên hilbijartinê, pêngevên ji bo rûniştina yekem a Encûmena Nûneran a Iraqê û pêkanîna hikûmeta nû ya Iraqê hatin gotûbêjkirin.

Her di wê hevdîtinê de, tekezî li ser berdewamiya hewlan ji bo destpêkirina qonaxeke nû di proseya siyasî de, derbaskirina astengiyan, bersivdana daxwaz û îradeya welatiyan û çareserkirina pirsgirêkên di navbera Herêma Kurdistanê û Bexdayê de hate kirin, ew jî di çarçoveya rastrêkirina proseya siyasî û berçavgirtina daxwazên hemû pêkhateyên Iraqê.