Wezîrê Tenduristiyê yê Herêma Kurdistanê Saman Berzencî ragihand ku di dema 24 demjimêrên derbasbûyî de, tenê 2 kes tûşî vîrûsa koronaya nû (Covid-19) bûne.

Wezîrê Tenduristiya Herêma Kurdistanê Saman Berzencî dawîn amarên belavbûna vîrûsa koronaya nû belav kirin û ragihand, ku di dema 24 demjimêrên derbasbûyî de, tenê 2 kes tûşî verûsa korona bûne.

Saman Berzencî  diyar kir ku yek ji wan kesên ku tûşî koronayê bûne xwendekarekî 19 salî ye û yê din jî mêrekî 64 salî ye.

Derbarê wan kesên ku di Qerentîneyê de mane, Saman Berzencî go ku ji tevahiya 3 hezar û 64 kesan, niha tenê 953 kes di Qerentîneyê de mane, û ewên din jî bi tenduristiyeke baş vegeriyane nav malbatên xwe.

Herwiha Wezareta Tendirustiya Herêma Kurdistanê, careke din daxwazê ji welatiyan dike, ku pêbendî rênimayiyên tendirûstiyê bin û ji cihê qerebalix dûr bikevin, kêmtirîn nêzîkbûn ligel kesên din hebin, û berdewam jî destên xwe bişon.