Serokwezîrê Herêma Kurdistanê digel Wezîrên Karên Derve û Berevanîya Italyayê civîya.

Ligorî daxuyaniya Ofîsa Serokwezîrtîya Herêma Kurdistanê, Mesrûr Barzanî Serokwezîrê Herêma Kurdistanê şeva buhurî li şarê Romayê digel Wezîrê Karên Derve yê Îtaliyayê civîya û di civînê de, her du alîyan basa geşkirina zêdetir a têkiliyên navbera Herêma Kurdistan û Îtalyayê bi taybetî di warên aborî, bazirganî, jêrxana aborî û çandiniyê li Herêma Kurdistanê de kirin.

Ligorî wê daxûyanîyê herwiha di civînê de pêgirî ser bihêztirkirina dostayetiya di navbera Herêma Kurdistanê û Îtalyayê û girîngiya berdewamkirina rahênana Hêza Pêşmerge ji aliyê Îtalyayê ve hatiye kirin.

Serokwezîrê Hikûmeta Herêma Kurdistanê Mesrûr Barzanî şeva buhurî herwiha digel Lorenzo Guerini, Wezîrê Berevaniyê yê Îtalyayê re hevdîtin pêk anî. 

Di wê civînê de jî peywendiyên Herêma Kurdistan û Îtalyayê û herwiha pêşhateyên li Iraq û navçeyê hatibûn nirxandinê. 

Wezîrê Berevaniyê yê Îtalyayê jî di wê civînê de ragihand ku ew dê piştevaniya bo Hêza Pêşmerge bidomînin.