Balafirên cengê yên Tirkîyê duh danê êvarê bi heceta têkoşîna himberî PKK çend xal li Amêdîyê dan ber bombeyan.

Balafirên cengê yên Tirkîyê duh danê êvarê bi heceta têkoşîna himberî PKK çend xal li devera Amêdîyê û çîyayê Metîna dan ber bombeyan. 

Derbarê kuştî, birîndar û xisarên ihtimalî yên wê êrişê de hê tu raporek nehatîye belavkirinê.

Balafirên cengê yên Artêşa Tirkîyê Sêşem şevê jî gundê Îndizê li devera Pişderê ser bi Sengeserê li parêzgeha Silêmanîyê nêzîkî sînorê Îranê dan ber bombeyan.

Artêşa Tirkîyê her roj bi heceta hebûna hêzên PKK  deverên xelknişîn ên Herêma Kurdistanê dide ber top û bombeyan ku di encamê de heta nika bi dehan welatîyan canê xwe ji dest dane û birîndar bûne û bi sedan gund jî ji ber têkçûna binesazîyên pêwîst hatine valakirinê. 

Dewleta Tirkîyê di van salên dawîyê de herwiha hejmareke zêde ya baregehên istixbarat û leşkerî li Herêma Kurdistanê ava kirine û 30 kîlomêtean ketîye axa Herêma Kurdistanê û opêrasyonên leşkerî yên berfire li wir lidar dixe.