Li Iraqê 3 erebeyên hêzên Amerîkayê hatin hedefkirin
Tîrmeh 12, 2020 08:42 Asia/Tehran
Hate ragihandin ku 3 erebeyên veguhestinê ku erebe tê de bûn, li ser rêya Dîwaniyê ji aliyê hin çekdaran ve hatine şewitandin. Hin çavkaniyan got erebeyên hatine şewitandin girêdayî hêzên Amerîkî yên li Iraqê ne.
Çavkanî ji Al-Sumeriyê News re wiha ragihand: "Komeke çekdar 3 erebeyên veguhestinê li ser rêya Dîwaniyê, şewitandin."
Çavkaniyê ku nexwestiye navê xwe eşkere bike diyar kir ku tîmên parastina sivîlan niha şewatê vedimrînin.
Tora Sky News ji zarê çavkaniyên Iraqî ragihand ku çekdaran 3 kamyonên ku pêdiviyên lojîstîkê yên hêzên Amerîkayê tê de bûn, li ser rêya di navbera bajarên Semawa û Dîwaniyê de hedef girtine.
