17 penaberên xwestin derbasî Spanya bibin di behrê de xeniqîn
Duh hat ragehandin 17 penaberên ku dixwestin ji Bakurê Afrîqayê ve derbasî Spanyayê bibin di behrê de xeniqîn, 3 penaber jî ji aliyê leşkerên Spanyayê ve hatin rizgar kirin.
Balefirekî ser bi Hêzên Esmanî yên Spanyayê dema bi ser girava Hierro ya di navbera giravên Qenarî re derbas dibe, keştiyek biçûk tespît dike û li ser wê yekê keştiyeke rizgarkirin û lêgerînê ji herêmê re hate şandin.
Rayedaran ragehand, 17 kesên ku di wê keştiya biçûk de bûne û di behrê de xeniqîne xwe gehandine termên wan û 3 kes jî bi saxî rizgar kirine.
Hat ragehandin her 3 penaberên hatine rizgar kirin ew bi helîkopterê rakirine nexwaşxanê û ti pirsgirêkên wan ên cidî tine ye.
Bi wan mirinên dawî ve îsal 65 penaberên ku xwestine derbasî girawên Qenarî bibin jiyana xwe ji dest dane.
