Hûrgilîyên nû ji êrişa Ukraynê ya bi xwefirran binkeyên asimanî yên Rûsyayê
Sergêrê desteya Rûsyayê di muzakireyên ewlehî û kontrolkirina çekan da li Vîyenê, got: Êrişa bi xwefirran a vê dawîyê ya Ukraynê ser 2 binkeyên asimanî yên Rûsyayê bi desthebûna Amerîkayê pêk hatîye.
Sergêrê desteya Rûsyayê di muzakireyên ewlehî û kontrolkirina çekan da li Vîyenê, Konstantîn Gavrîlov ragihand: xwefirrên ku Ukraynê vê dawîyê ji bo êrişa ser binkeyên asimanî yên Rîzan û Saratov ên Rûsyayê bi kar anîbûn, ji hêla şirketa Raytheon Tekchnologies'ê va hatibûn birojkirin.
Konstantîn Gavrîlov herwiha got: Pirranîya armancên ku hêzên ukraynî êrişî wan dikin, ji hêla welatên rojavayî nemaze Amerîkayê va tên destnîşankirin.
Wezareta Berevanîya Rûsyayê roja Duşemê ragihand ku di encama êrişa bi xwefirran a Ukraynê ser binkeyên asimanî yên Rîzan û Saratovê da 3 leşekrên ûris hatine kuştin û zîyan li 2 balafiran ketîye.
