Cîgirê yekem ê serokê Komara Îslamî ya Îranê stratejiya bingehîn a siyaseta derve ya hikûmeta Îranê, zêdekirina peywendiyan bi welatên cîran re da zanîn.

Li gorî rapora ajansa nûçan a IRIB`ê, "Mihemed Muxbir" alîkarê yekem ê serokomarê Îranê roja çarşemiyê li civîna serokên nûneratiyên Komara Islamî ya Îranê li welatên cîran destnîşan kir: Pêşdebirina stratejiyên siyasî di pêwendiya bi welatên din re, bêyî çalakiyeke aborî ya mayinde berdewam nabe û ji bo vê yekê divê em peywendiyên avaker li gel welatên cîran, navçe û cîhanê damezrînin û bi cidî li ser berhem û veberhênanên hevbeş bi hev re kar bikin.

Muxbir bal kişand ser vê yekê ku divê pêkhateya balyozxanên Îranê li welatên biyanî li gorî nirxandina potansiyel û şiyana her welatekî were diyarkirin û destnîşan kir: Kapasîteya îraniyên li derveyî welat wekî derfetek mezin e ji bo pêşxistin û geşepêdana hundirê Îranê.

Cîgirê yekem ê serokê Komara Îslamî ya Îranê herwiha got: Hikûmeta Îranê amade ye ku di warê aborî de veberhênanên guncaw ji bo hemû îraniyên derveyî welat dabîn bike û diyar bike.