Plana sînordaariyên Koronayî jibo pêşîlêgirtin li belavbûna zêdetir a Vîrûsa Koronayê îro şemiyê li seranserî Îranê destpê bû û dê heta du hefteyan were domandin.

Li gorî gotina Elîreza Reîsî Berdevkê Erkantiya Neteweyî ya Têkoşîna dijî Koronayê ya Îranê, 124 bajar di rewşa sor da, derdora 150 bajar Narincî (pirteqalî) û 98 bajar jî di rewşa Zer da ne.

Reîsî her wiha got: 25 navendên parêzgehan ketine rewşa Hişyariyê yanî rewşa Sor.

Berpirsên Wezareta Tendurustiyê ya Îranê li ser vê bawerê ne ku hegera sereke ya veguhestina Vîrûsa Koronayê kombûnên navmalî ye; Kombûnên ku piştî rihetbûna ji kar û di şevan da pêk tê.

Îrec Herîrçî, alîkarê giştî yê Wezîrê Tendurustiyê yê Îranê tevî pêgiriya li ser lidarnexistina kombûnên navmalî, got: Kombûnên navmalî sedî 51ê hegera veguhestina bûne. û ji ber vê yekê ji saet 21 da (9ê Şevê) sînordariya hatûçûnê hatiye berçavgirtin.