Wezîrê karên derve yê Komara Îslamî ya Îranê Muhemed Cewad Zerîf şeva borî li gotûbêja telefonî bi serokê mekteba siyasî ya HAMASê Îsmayîl Heniye re lihevkirina Îmarat û Rejîma Siyonîstî şermezar kir û got: Komara Îslamî ya Îranê hertim piştgiriya gelê Filistînê dike.

Li gor ajansa Tesnîmê ya Îranê, Îsmayîl Heniye jî di vê gotûbêjê de sipasiya rêberê mezin ê Înqilaba Îslamî, dewlet û netewê Îranê kir ji ber piştgiriya wan ji gelê filistînê û desnîşan kir ku berxwedan û têkoşana li ber dagirkeriyê berdewam dike û qet ew nakeve bin bandora kiryarên xiyanetkarane ên mîna kiryarên Îmaratê. 

Serokê mekteba siyasî ya HAMASê di dewama pêwendiya xwe bi rayedarê û serokên komên filistînî ji wan xwest ku li hemberî kiryarên xiyanetkarane dest bidin hevdu û siyaset û helwêsteke hevbeş bigirin ber xwe.

Serokomarê Amerîkayê Donald Trump roja pêncşemê diyar kir ku Rejîma Îsraîlê û Îmaratê li hev kirin ku pêwendiyên xwe normal bikin.

Ev kiryara Îmaretê li cîhana Îslamê de rastî rexneyên tund hat û welat û kesayetiyên îslamî ev kiryar wek xiyaneta li armancên filistînî nirxandin û ew şermezar kirin.