Çile 14, 2017 13:53 Asia/Tehran
  • Şêwirînên li Moskowayê, kivşkirina çarçêvan jibo civîna Astanê

Astana paytexta Qezaqistanê 23 Çillê dê bibe mazûvanê civîna Sûriyê. Civîna ku Îran û Rûsiye û Tirkiye pêştir jibo lidarxistina wê li hev kirine.

 Huseyn Cabêriyê Ensarî, Mîxayîl Bogdanof, alîkarên wezaretên karên derve  yên Îran, Rûsiye û Tirkiyê berêvariya roja înê li Moskowayê li civîneke  sêalî, meselên  Sûriyê hilkolandin.

Biryar e civîna Astanê bi beşdariya  nunerên dewletê û  neyarên Sûriyê bi çavdêriya  sê welatên  Îran, Tirkiye û Rûsiyê û beşdariya  nunerê NY were li dar xistin. Herçend ku  Rûsiye, Îran û Tirkiye li çarçêva daxûyaniya  Moskowayê rewşa destpêkirina  muzakirên siaysî û damezrandina  agirbesa  giştalî li Sûriyê xweş kirine.

 Lê ev civîan tim ketiye ber hin zextan e.

 Mewlûd çawûşoglu wezîrê karên derve yê Tirkiyê êvara pênşemiyê li kêleka muzakiran  li bara Qibrisê ji nûçegihanan re got: Divê Emerîka bo civîna Astanê bê vexwendinê.

 Wezîrê karên derve yê Tirkiyê destnîşan kir, vexwendinnameyên  muzakirên AStanê dê heftiya dinê werin şandin û Renge Waşengton jî beşdar bibe. Çawûşoglu sergirtî bala xwe da ser vê yekê ku  li civîna  Astanê tenê Emerîka beşdar nabe û tekez kir: Tu kes nikare çavê xwe ser rola  Emerîkayê bigre. Rayedarên  Tirkiyê pêştir  ser hizûra ERebistanê jî li vê civînê tekez kiribûn.

 Li halekê li bara zelalbûna rola Emerîkayê û ERebistanê li Sûriyê hin şik û gumanên cidî hene. Ev  şik û guman piştî azadkirina  Helebê ji destê terorîstan û  civînên ku neyarên çekdar ên sûrî li Riyazê lidar xistin  berbiçavtir jî bûye.

 Daxûyaniya ku li muzakirên  MOskowayê li 20 Kanûnê li dawiya civîna  wezîrên karên derve yên  Îran , Rûsiye û Tirkiyê hat weşandin ser dewama  hewldanên hevpar jibo çareserkirina  qeyrana  Sûriyê sekinî. Daxûyaniya  civaka cîhanî jibo hevkariya  li dijî terorîzmê, parastina  yekperçetiya  erdê û redkirina  rêçara  eskerî, cihanîna  biryarnama 2254an a NY û alîkariya  giştalî bo sûriyan ji xalên  daxûyaniya Moskowayê ye.

 Di vê rewşê de çend xalên giring hene, ya yekê eva ye ku  Li muzakirên Astanê alûgurên Sûriyê ên vê dawiyê bi alîkariya NY dikarin bighêjine  encameke baş. Dewama vê pêvajoyê dikare  bibe pêngaveke baş û giring  jibo gihêştina  bo aşitiyê û rawestandina kiryarên terorîstî li Sûriyê.

 Xala  dudiyan jî pêkhatina dîskors û gotûbêjekê ye ku ser rola dewleta Beşar Esed li gotûbêjên sûrî-sûrî disekine. li halekê ku Emerîka, ERebistan, Tirkiye û Qeter û grûpên terorîstî li Sûriyê pêşşerta her cure civînekê li bara Sûriyê wêdebirina Beşar Esed dizanîn.

 Lê ezmûn û  mentiqa siyasî dibêje kutakirina qeyrana Sûriyê maye ser hevkariya û hevdengiya  navneteweyî tev dewleta  Sûriyê li warê arwestana li ber  cureyên terorîzmê û her wiha cihanîna  biryarnemyên  Konseya Ewlehiyê ya NY li vê barê.

 Niha bi piştgiriya  NY ji hewldanên  Îran û Rûsiyê,  daxwazî û întizarên ji civîna AStanê zêde bûne.

 Ji xwe biryar e Civîna Astanê amadekirina  jibo muzakirên  aşitiyê li JInêvê bin çavdêriya  NY be ku Îstefan Dê Mîstora nunerê  NY li karûbarên Sûriyê  ragihandiye ku  dema wê dê , 8  Sibatê be.