Cehangîrî: Têhranê tu sînorek bona berfirehkirina hevkariya bi Mesqetê re nasnake
Alîkarê ewil ê serokê Komara Îslamî ya Îranê bal kişand ser peywendiyên nêzîk û xurt ên navbera Têhran û Mesqetê û got: Îranê tu sînorek bona berfirehkirina hevkariya bi Umanê re nasnake.
Îshaq Cehangîrî, alîkarê ewil ê serokê Komara Îslamî ya Îranê roja yekşemê li hevdîtina Elî Bin Mesûd El-Suneydî, wezîrê ticaret û pêşeyê yê Umanê re li Têhranê, peywendiyên nêzîk û gerim ên her du welatan wek mînakekê bona peywendiyên welatên din ên navçê da zanîn û got: Berfirehkirina hevkariya navbera Îran û Umanê bo cîhana Îslamê û welatên navçê kêrhatî ye.
Cehangîrî amadetiya Îranê bona berfirehkirina peywendiyên dualî û çendalî bi Umanê re destnîşan kir: Îran hez dike di nav welatên derdora Kendava Farsê, asta herî bilind a danûstandinên ticarî bi Umanê re hebe.
Alîkarê ewil ê serokê Komara Îslamî ya Îranê her wiha bal kişand ser îbtalkirina vîzeya Îranê bo welatiyên Uman û hêsankirina dayîna vîzeya Umanê bo welatiyên îranî û her wiha damezrandina firîna rasterast navbera her du welatan û teqez kirKiryarên bi vî rengî û xurtkirina hevkariyan li beşa tranzît û gemîvaniyê jî dikare alîkariya jordebirina asta danûstandinên ticarî yên dualî bike.
Elî Bin Mesûd El-Suneydî, wezîrê ticaret û pêşeyên Umanê jî bal kişand ser vê yekê ku îsal tacirên du welatan bêyî navbeynkar û rasterast bi hev re di peywendiyê de bûne û got: Ev kara dikare mizgîna hevkariya ticaret û pêşeyên Umanê navbera Îran û Umanê be.
Wezîrê ticaret û pêşeyên Umanê her wiha kêfxweşiya xwe ji hêsankarî û îmkanên heyî bo geştyariya tendrustiyê û ziyareta li Îranê bo welatiyên Umanê da diyarkirin û got: Peywendiyên aborî û ticarî yên her du welatan hevcetî bi bazdaneka mezin heye.