Wezîrê karên derve yê Îranê çûye Hindûstanê
Wezîrê karên derve yê Îranê hevrê digel taximeka derecebilind a siyasî-abûrî şemê şev gihêşte Dêhliya Nûya paytexta Hindûstanê.
Li gor rapora ajansa nûçan a IRNA`yê, Behram Qasimî berdevkê wezareta karên derve yê Îranê got: Muhemed Cewad Zerîf li vê sefera xwe yê yekrojî bo Dêhliya Nû tev karbidestên Hindûstanê li ser alûgorên navçeyî û navnetewî gotûbêjê dike.
Zerîf pêştir seredana Çîn, Rûsiya û Brûksila paytexta Biljîkê meqera Yeketiya Ewrûpayê kiribû û siyasetên Têhranê bona sekinîna li hemberî boykotên nû yên Amerîkayê bo karbidestên van welatan şirove kiribûn.
Peywendiyên navbera Têhran û Hindûstanê li salên vê dûmahîkê bi awayekî berbiçav berfireh bûye.
Hevkariyên du welatan li babetên siyasî-abûrî bi taybet li babeta enirjî û teranzîtê van salana berfirehtir bûye.
Li sefera 15 Sibata sala 2018 bo Hindûstanê di navbera karbidestên Îran û Hindûstanê 15 belgeyên hevkariyê hatine îmzakirin.
