Emîr Pûrdestan: Hêzên çekdar ên Îarnê ji bo rawestana li ber her gefekê tam amade ne
Serokê navenda lêkolînên stratejîk ên artêşa Komara Îslamî ya Îranê got ku doktorîna hêzên çekdar ên Îranê, berevanî ye lê bona berevaniya ji welêt û nirxên nizamê, ji bo rawestana li ber her gefekê tam, amade ne.
Li gorî rapora IRNA`yê, emîr sertîp Ehmedriza Pûrdestan roja îniyê li Meşhedê li bakurê rojhilata Îranê got: Hêzên çekdar ên Îranê lêzanînên baş hene û hemî liv û tevger li nav û li dervey sînoran tên şopandin.
Serokê navenda lêkolînên stratejîk ên artêşa Komara Îslamî ya Îranê destnîşan kir: îro bi bereketa hebûna zaniyarên ciwan, kelûmelên berevaniyê yên pêdivî li Îranê li nav welêt tên berhemanîn û hêzên çekdar bihêztir ji hemîşe ji bo berevaniya nizam û Îslamê rawestane.
Emîr sertîp Ehmedriza Pûrdestan her wiha got: dinyaya îstikbarê , bi taybet Emerîka li 40 salên buhurî ji bo jinavbirina nizama Komara Îslamî ya Îranê û inqilaba Îslamî ya Îranê şêwazên curbicur yên mîna boykotên aborî û şerê sepandî cih anî lê bi îsargerî, sebr û wilayetheziya gelê Îranê, rastî işkestê hat.
Wî destnîşan kir: Dilgiraniya sereke ya Emerîkayê eva bû ku inqilaba Îslamî ya Îranê edebiyateke nû mîna istiqlal, azadî, nefya serdestiyê û wlayetmedarî tev xwe aniye û ev edebiyata bandor ser welatên navçê kiriye.