Wezîrê karên derve yê Emerîkayê: Zengînirina uranyomê ji bo Îranê ne pêkan e
Wezîrê karên derve yê Emerîkayê cadinê li axiftineke mudaxilekirane bal kişand ser vê yekê ku welatê wî berhemanîna madên navokî an zengînkirina uranyomê ji Îranê re pêkan nizane û got: Ger Îran li dû teknolojiya navokî ye, divê wê ji derve bikre.
Li gorî rapora IRNA`yê, Mayk Pompêo, roja îniyê got ji bo ku Emerîka li bara bi aşitîbûna bernama navokî ya Îranê xatircem bibe divê navendên eskerî, cerbîngehên navokî û navendên têkildarê bernama navokî ya Îranê bên çavdêrîkirin.
Ev gotinên pêkenî yên Pompêo li halekê ye ku Ajansa Navneteweyî ya Enerjia Atomê heya niha bi caran ser bi aşitîbûna xebatên navokî yên Îranê teqez kiriye.
Pompêo, wezîrê karên derve yê Emerîkayê roja duşemiyê 21 Gulanê jî li yek ji axiftinên xwe yên herî kirît û bi îhanet, tawanên pûç li gelê Îranê ve girêdan û gef xwar ku Waşengton dê boykotên herî giran ên dîrokê li dijî Îranê cih bîne.
Pompêo her wiha got ku Bona ku Emerîka dev ji cihanîna boykotên nû li dijî Îranê berde, divê ku Komara Îslamî ya Îranê 12 şertên Waengtonê ji wan wêdebirina teşkîlata zengînkirinê, îmkana seredanên berfireh ji hemî teşkîlatên Îranê, derketina hêzên eskerî yên Îranê ji Sûriyê û Iraqê û her wiha rawestandina piştgiriya Îranê ji komên berxwedanê yên mîna Hizbullaha Lubnanê qebûl bike.
Ev gotin ku du heftiyan piştî kiryara neqanûnî ya Donald Trump serokkomarê Emerîkayê li derketina ji rêketina navokî ketin rojevê qaşo stratejiya nû ya Emerîkayê li hember Îranê hatin binavkirin.
Muhemed Cewad Zerîf, wzîrê karên derev yê Îranê wek berteka li hember van gotinên kirêt ên Pompêo destnîşankir ku Emerîka girtiyê xewn û xeyal û van siyasetên işkestxwarî ye ku ji aliyê hin koman bi berjwendiyên tabet tên dîktekirin.
Piraniya analîzor û rayedarên emerîkî û ewrûpî van şertên Emerîkayê weke xewn û xeyal û nemaqûl dizanin.
Federîka Mogêrînî berpirsa iyaseta derve ya Yekitiya Ewûpyê piştî van gotinên Pompêo bal kişand ser vê yekê ku Ajansa navneteweyî ya enerjiya Atomê heya niha bi caran sekinîna Îranê ser rêketian navokî piştrast kiriye û got: Ajansê bi caran raghandiye ku Îranê îmkana hemî seredanên pêdivî daye ajansê.