Hevdîtina sekreterê giştî yê Civata Cîhanî ya Hişyariya Îslamî tev serokê Partiya Seadet a Tirkiyê
Sekreterê giştî yê Civata Cîhanî ya Hişyariya Îslamî li hevdîtina tev serokê Partiya Seadeta Tirkiyê got:`` Îran û Tirkiye wek du welatên bihêz li cîhana îslamê erkeke giran li xurtkirina yekitiya misilmanan hene``.
Li gorî rapora IRIB News`ê, Elî Ekber Wilayetî berêvariya roja çarşemiyê li hevdîtina Temel Karamalaoglu serokê partiya Îslamxwaz a Seadeta Tirkiyê li kêleka Civîna Chanî ya Hogirên Binemala paqij a Pêxember (S) û Mijara Tekfîriyan li Têhranê bal kişand ser berfirehkirina hevkariyên navbera Îran û Tirkiyê li hemî waran û got: ``Bi hevkarî û hewahengiya du welatan, piraniya pirsgirêkên welatên misilman ên navçeyê dikarin çareser bibin``.
Wilayetî bal kişand ser rola wehabiyetê li têkçûna kiraltiya usmaniyan û got: ``DAIŞê li dû raberkirina rûvekeke kirêt ji Îslamê li ber raya giştî ya cîhanê bû``.
Temel Karamaloglu serokê partiya Seadeta Tirkiyê jî li vê hevdîtinê ji lidarxistina Civîna Chanî ya Hogirên Binemala paqij a Pêxember (S) û Mijara Tekfîriyan li Îranê sipasî kir û bal kişand ser roal taybet a Komara Îslamî ay Îranê li nav 60 welatên misilman û got: ``Em hêvî dikin Îran jibo yekitiya cîhana Îslamê pêngavên bingehîn rake``.
Sekreterê giştî yê Civata Cîhanî ya Hişyariya Îslamî di dewamê da jî hevdîtinên dualî yên xwe li yekim roja Civîna Chanî ya Hogirên Binemala paqij a Pêxember (S) û Mijara Tekfîriyan tev şêx Selahedîn Ozgundûz rêberê şîeyên Tirkiyê hevdîtin û gotûbêj kir. Li vê hevdîtinê her du alîyan her wiha li bara alûgorên navçê şêwirîn.
Civîna Chanî ya Hogirên Binemala paqij a Pêxember (S) û Mijara Tekfîriyan roja çarşemiyê bi beşdariya 500 ramanwerên cîhana Îslamê li Têhranê karê xwe destpê kir.
Li gorî rapora IRIB News`ê, li vê civîna durojî 500 kes ji aliyên şîe û sunneyan ji 94 welatên cîhanê û nêzîkî 250 kes ji alimên şîe û sunne ji Îranê li bara çawaniya yekitî û hevdengiya zêdetir a misilmanan jibo rawestana li ber komployên li dijî îslamê behs û gotûbêjê dikin.