Zerîf: Ev gotina Erebistanê ku Îranê bi têkbirina ewlehiyê tawanbar dike, pûç e
Wezîrê karên derve yê Komara Îslamî ya Îranê destnîşan kir: Erebistan bi xwe terorîstan tehrîk dike û şerê Yemenê birê xistiye vêça eva ku Îranê bi têkbirina ewlehiyê tawanbar dike, tiştekî pûç û komîk e.
Muhemed Cewad Zerîf berêvara roja yekşemê li Twittera xwe de nivîsî: Eva tişteke komîk û pûç e ku paşatiya Erebistana Siûdî, li halekê Îranê bi têkbirina aramiyê tawanbar dike ku hema bixwe terorîstan tehrîk dike û li Yemenê şêr birêxistiye û Qeter xistiye tecrîdê û qeyrana li Lubnanê pêk aniye.
Wezîrê karên derve yê Îranê her wiha li bara civîna sê alî ya wezîrên karên derve yên Tirkiye û Rûsiyê li Antalyayê nivîsî: Îran bi Tirkiye û Rûsiyê re jibo berfirehkirina agirbesa ku li Sûriyê pêk hatiye, hevkariyê dike.
Zerîf her wiha got: Îran, Tirkiye û Rûsiyê jibo gotûbêja tam û tekûz navbera aliyên sûrî amade dibin.
Civîna wezîrên karên derve yên Îran, Rûsiye û Tirkiyê, welatên garantîkirê agirbesê li Sûriyê, roja yekşemiyê bi armanca şêwirîna li bara qeyrana Sûriyê li bajarê Antalyayê li başûrê Tirkiyê hat lidarxistin.