Li Tirkiyê - Berf û bagerê rêya 93 niştewarên Wan, Mûş, Bidlîs û Hekariyê girt
Çile 18, 2021 11:42 Asia/Tehran
Li Wan, Bidlîs, Mûş û Hekariyê berf û bagerê rêya 93 niştewaran girt.
Li gorî rapora beşa Kurmancî ya Ajansa Anatoliyê (AA), Li gor daxuyaniya ku ji Şaredariya Bajarê Mezin a Wanê hat dayîn, berf û bagerê li Başkaleyê rêya taxekê, li Gurpinarê rêya 9 taxan girt.
Ekîbên berfê ji bo vekirina rêyan dixebitin.
Şaredariyên navçeyan jî piştî ku berf barî, berfa rê û peyarêyan avêtin û xoyê reşandin.
Li Mûşê berfê rêya 64 gundan girt.
Berf û bagerê li Bidlîsê jî rêya 15 gundan, li Hekariyê rêya 4 gundan girt.
Ekîbên îdareya Taybet a Bajêr ji bo vekirina rêyan dixebitin, ekîbên şaredariyê jî berfa nav bajêr davêjin û xoyê direşînin.
