ŞIRNEX - Li Çiyayê Gabarê agir bi daristanê ket
Tebax 08, 2020 01:52 Asia/Tehran
Li Çiyayê Gabarê ji ber sedemek nediyar agir bi daristanê ket. Agirê ku 2 roj berê bi daristanê ket didome. Hat diyarkirin ku kes ji bo vemirandinê mudaxile nakin.
Li gorî rapora ajansa nûçeyan a Mezopotamyayê (MA), Li Çiyayê Gabarê yê Şirnexê 2 roj berê agir bi daristanê ket û şewata daristanê didome. 2 roj berê li Gundê Deşta Lala yê li Çiyayê Gabarê ji ber sedemek ku nayê zanîn agir bi daristanê ket. Şewata daristanê didome. Hat diyarkirin ku kesan heta niha mudaxileyî şewata daristanê nekiriye û agir li herêmê belav dibe.
