Kanûn 09, 2019 15:24 Asia/Tehran
  • Rawêjkarîya Wezîrên Karên Derve yên Îran û Tirkîyê li Istenbolê

Wezîrê Karên Derve yê Komara islamî ya Îranê li rex civîna Demajoya Istenbolê-Dilê Asyayê bi Wezîrê Karên Derve yê Tirkîyê re civîya.

Ligorî rapora Dayra Çapemenîyê ya Wezareta Karên Derve ya Îranê, Mihemedcewad Zerîf Wezîrê Karên Derve yê Îranê û Mewlûd Çavûşoglu Wezîrê Karên Derve yê Tirkîyê di wê hevdîtinê de derbarê berulayên curbicur ên peywendîyên dualî, girîngtirîn meseleyên navçeyî û navnetewî ji wan alûgurên herîdawîyê yên sîyasî li Sûrîyê, rewşa Iraq û Efganistanê û mijarên bi dilê her du welatan de gotûbêj û rawêjkarî kirin.

Heştemîn konfiransa Demajoya Istenbolê-Dilê Asyayê yê bi axavtina Serokomarê Tirkîyê Receb Teyîb Erdogan û Mihemed Eşref Xenî Serokomarê Efganistanê destpê bibe û bi serokatîya hevpar a Wezîrê Karên Derve yê Tirkîyê Mewlûd Çavûşoglu û Idrîs Zeman Wezîrê Karên Derve yê Efganistanê were lidarxistinê. 

Yekem civîna Demajoya Istenbolê-Dilê Asyayê di sala 2011`ê de bi merema berfirekirna hevkarîyên herêmî têkildarî Efganistanê bi pişkdarîya Wezîrên Karên Derve yên 14 welatan li Istenbolê hat lidarxistinê.

Îran, Tirkîye, Komara Azerbaycan, Çîn, Hind, Efganistan, Qazaqistan, Qirqîzistan, Pakistan, Ûrsêt, Erebistan, Tacîkistan, Tirkmenistan û Imarat endamê wê ne.