HDP teqîna li Pasûra Dîyarbekrê şermezar kir
Partiya Demokratîk a Gelan HDP teqîna li Pasûrê Dîyarbekrê şermezar kir.
Hevserokên HDP`ê Perwîn Buldan û Sezaî Temellî di derbarê teqîna li Pasûra Dîyarbekrê de daxûyaniyek belav kirin û bûyer bi tûndî şermezar kirin. Hevserokên HDP`ê xwestin ku bûyer ji her aliyê ve were zelalkirin û berpirsên teqînê werin eşkerekirin. Lê girtina hevşaredarê wan ê Pasûrê û Serokê şaxa partiya wan piştî teqînê işareta wê yekê ye ko lêpirsînek ciddî nayê kirin û tê xwestin hişmendiyek dijî HDP`ê were pêkanîn. Hevserokên HDP`ê ragihandin ku girtina Şaredarê Pasûrê nayê qebûlkirinê.
Di teqînê de, ku bi bombeyek çandî hate encamdan, 7 gundiyên deverê jiyana xwe jidest dan. 10 hevwelatî birîndar bûn, ku birînên çend kesan giran in.
Piştî teqîna Pasûrê rêvebirên Tirkiyê û Serokê CHP Kemal Kiliçdaroglu PKK bi teqîn tometbar kirin, lê heta niha ji alî PKK ve tu daxûyanîyek nehatîye dayîn.
