Tirkîye- Hikmê zîndanê yê 14 rojnamevan û karmendên Rojnama Cimhuriyetê hat erêkirin
Dadgeheke Venihêrînê li Tirkîyê hikmê zîndanê yê 14 rojnamevan û karmendên Rojnama Cimhuriyetê erê kir.
Dadgeheke Tirkîyê sala buhurî ew 14 kes bi karên têrorîstî û piştgirîya ji derbeya li vî welatî tawanbar kiribûn û cezaya zîndanê dabû wan.
Dadgeha Venihêrînê jî biryar da ku ew jibo derbaskirina cezaya mayî bo zîndanê bên veguhestinê.
Rojnama Cimhuriyetê yek ji rexnekerên AKP`ê tê hesêb.
Hejmarek karmendên Rojnama Cimhuriyetê di mehên vê dawîyê da bi tawana karên têrorîstî, nearamîyên têkildarî deverên kurdnişîn û derbeya serneketî ya 15`ê Tîrmeha sala 2016`an li Tirkîyê hatine girtinê.
Derbeya serneketî ya 15`ê Tîrmeha sala 2016`an li Tirkîyê bû hecetek jibo Enqerê ku bê berbend bisînorkirina mêdyayên rexneker bidomîne.
Bi dû derbeya serneketî ya 15`ê Tîrmeha sala 2016`an li Tirkîyê heta niha zêde ji 170 nûçegîhan li vî welatî hatine girtinê.
