Tirkiyê li Edenê berhemanîna niftê destpê dike
Şîrketa Anonîm nifta Tirkiyê îznên pêdivî bona derxistin û berhemanîna niftê li parêzêgeha Edenê wergirtine û ev şîrketa prosa derxistina niftê ji bîrên niftê li Edenê dê destpê bike.
Li gorî rapora Kurd Press`ê û ji zarê rojnama Bîrgûnê piştî hewldanên şîrketa Anonîm niftê derheq hebûna niftê li parêzgeha Edenê ya Tirkiyê îznên pêdivî bona derxistina niftê li vê parêzgehê hatine dayîn û ev şîrketa prosa derxistina niftê ji bîrên niftê li Edenê dê destpê bike.
Dayira giştî ya karûbarên niftê ser bi wezareta enerjiyê û çavkaniyên xwezayî yên vî welatî bi weşandina vê mijarê li rojnama fermî ya Tirkiyê destpêbûna prosa fermî ya derxistina niftê li parêzgeha Edenê ragihandiye.
Ajansa nûçan a Anadolu`yê bal kişand ser bidestxistina îznên derxistina niftê ji aliyê şîrketa Anonîm Niftê ya Tirkiyê û diyar kiriye: "Kiryarên vê şîrketê bona bidestxistina îzna derxistina niftê li parêzgeha Edenê hatiye piştrastkirin û ev şîrketa dê 8 salan mafê îktişafa niftê li navçên curbicur ên parêzgeha Edenê hebe".
Hêjayî gotinê ye ku Tirkiyê li çend salên buhurî dest bi lêkolînên cidî bona derxistina niftê li parêzgehên curbicur ên Tirkiyê bi taybet parêzgehên Anadolu û rojhilata Tirkiyê kiriye ku bikaribe heta radeyekê girêdayîbûna xwe bo welatên biyanî ji ber vê kelûmela stratejîk kêm bike.