Hevserokê HDP: Em dengê dadgeha venihêrînê li bara Demirtaş û Onder bi fermî nas nakin
Hevserokê Partiya Demokratîka Gelan wek berteka li hember piştrastkirina hikmê zindana Selahedîn Demirtaş got: Em dengê dadgeha venihêrînê li bara Demirtaş û Onder bi fermî nas nakin.
Li gorî rapora Kurd Pressê, Sizayî Temellî, hevserokê HDP wek berteka li hember piştrastkirina hikmên hebsê bo Selahedîn Demirtaş û 32 kes ji siyasetvanên bi nav û deng ên kurd ên Tirkiyê ku duh û îro ji aliyê dedgehên venihêrînê cih hatiye, diyar kir: "Teşkîlata Dadweriyê ya Tirkiyê bûye amûrê siyasetê. Piştî viya jî dikarin arma AKP, Prtiya Dad û Geşepêdanê li sîngê xwe vekin. Her wek dizanin Dadgeha Mafên Mirovan a Ewrûpayê hikmekî pir eşkere daye. Roja ku ew hikm hate dayîn, serokkomarê vî welatî hikmê dayî ji aliyê vê dadgehê bi fermî nas nekir û ragahnd ku tivdîrên pêdivî dê li hember vê hikmê cih bînin û ew tivdîr ewna bûn".
Hevserokê HDP di dewama gotinên xwe de destnîşan kir: "Ev Teşkîlata dadweriyê bi giştî bê qanûn e. Hin dadgeh tên lidarxistin ku qanûnên heyî binpê dikin. Selahedîn Demirtaş û Serî Sureya Onder ji ber hin axiftinan tên şermezarkirin ku li Newrozê behsa aşitî, demokrasî û jiyana hevperû wekhev axiftibûn. Wan rojan hêvieke mezin pêk hatibû. Ev axiftin me hemiyan bi aşitiyê hêvîdar kiribûn. Teşkîlata Dadweriyê ya Tirkiyê êdî beşeke bi şerm e ku bi awayê rasterast ferman wegirtiye û reftarê dike".
