Mar 14, 2019 16:27 Asia/Tehran
  • Bi hevkariya Rûsiyê depoyeke çekên têrorîstan li Sûriyê hat jinavbirin

Depoyeke çek û sîlehên çeteyan li parêzgeha Idlibê li bakurê rojavaya Sûriyê bi êrîşa firokeyên şêrr ên Rûsiyê ji nav çû.

Li gorî rapora ajansa nûçeyan a Tasê, Wezareta Berevaniyê ya Rûsiyê ragihand ku li depoya koma têrorîst a Bereya Nusreyê li parêzgeha Idlibê hn firokeyên bêfirokevan jibo êrîşa li ser baregeha esmanî ya Hemîmîma Rûsiyê li parêzgeha Laziqiyê ya Sûriyê dihatin ragirtin û têrorîstan dixwestin ku bi van firokeyên bêfirokevan êrîşî ser baregeha esmanî ya Hemîmîmê bikin.

Li gorî ragihandina Wezareta Berevaniyê ya Rûsiyê, hejmareke zêde ya firokeyên bêfirokevan ên êrîşker vê dawiyê bo vê depoyê hatibûn veguhestin.

Hêjayî gotinê ye ku di yek sala dawiyê da baregeha esmanî ya Hemîmîmê li parêzgeha Laziqiyê çend caran ketiye ber êrîşa firokeyên bêfirokevan ên têrorîstan, lê pergalên berevaniya hewayî  ên Rûsiyê li vê baregehê tevahiya van êrîşan têk birine û ev firoke xistine xwarê.

Niha parêzgeha Idlibê di bin dagirkeriya komên têrorîst da ye û biryar bû ku li gorî Lihevkirina Sûçiyê komên têrorîst navçeya Vala ji Çelan biterkînin ku di rastiyê da tiştekî wisa pêk nehat û têrorîst ji vê navçeyê êrîşî ser baregehên artêşa Sûriyê dikin.

Qeyrana Sûriyê ji sala 2011an va bi êrîşa berfireh a komên têrorîst ên bin sîvana piştgiriya Erebistan, Amerîka û hevpeymanên wan ji wan Tikriyê bi mebesta guhertina hevsengiyên navçeyê li ser xêr û qazanca Rêjîma Siyonîst dest pê bûye. Hêzên sûrî bi alîkariyên misteşarî yên Komara Îslamî ya Îranê û piştevaniya Rûsiyê, her wiha bi alîkariya hêzên Bereya Berxwedanê di mehên dawî da karîne derbên giran li têrorîstan xînin.