Bereya gelanî ya Rizgarkirina Filistînê: "Bila Imarat ji Yekîtiya Ereban bê avêtin"
Alîkarê sêkrêtirê giştî yê Bereya gelanî ya Rizgarkirina Filistînê kiryara Imaratê ya asayîkirina pêwendiyan digel Rêjîma Siyonîst li dijî biryara Yekîtiya Ereban da zanîn û daxwaza avêtina vî welatî û vegeriyana Sûriyê bo vê yekîtiyê kir.
Ebû Ehmed Fuad, Alîkarê sêkrêtirê giştî yê Bereya gelanî ya Rizgarkirina Filistînê roja Şemiyê di gotûbêja bi Kanala Mesîreyê ra got: Bernameya asayîkirina pêwendiyên Imaratê digel dijminê siyonîst kiryareka êrîşkerane li dijî gelê Filistînê ye û desthilatdarên Imaratê ji billî asayîkirina pêwendiyan digel Imaratê, roleke wêranker jî di şerê Yemenê û wêrankirina vî welatî hebûne.
Alîkarê sêkrêtirê giştî yê Bereya gelanî ya Rizgarkirina Filistînê destnîşan kir: Pêwendiyên Imaratê digel Rêjîma Siyonîst bi bijartina Amerîkayê û dayîna serpişkiyên taybet bo Rêjîma Siyonîst ra têkildar e û dewleta Amerîkayê gişt kiryarên destdirêjane dijî ereban nemaze filistîniyan disepîne.
Alîkarê sêkrêtirê giştî yê Bereya gelanî ya Rizgarkirina Filistînê tevî pêgiriya li ser bijardeya berxwedana çekdarî û çalakirina berxwedanê jibo sekinîna li hemberî dijminê talanker ê siyonîst, got: Filistînî sozdarê Belgenameya Lihevkirina Neteweyî ne; Ji ber ku eslê wê, berxwedan di hemî şeklan da ji wan têkoşîna çekdarî ye.
