Êrişên balefirên cengê yên siûdî ser çend parêzgehên Yemenê
Balefirên cengê yên siûdiyan çend caran hin navçên parzêgehên Hece, Beyza Û hudeydê yên Yemenê bombebaran kirin.
Li gorî rapora roja çarşemiyê ya Mêhr Newsê, û ji zarê El-Mesîrê, balefirên cengê yên Rejîma Siûdî , navça Sebranê li parêzgeha Hecê li rojava Yemenê dan ber êrişên xwe yên herî giran.
Balefirên cengê yên siûdiyan her wiha trimbêleke li gundê El-Serhatê yê bajarê Bîkêl El-Mîrê li parêzgeha Hecê ya Yemenê dan ber êrişan.
Balefirên siûdî çend caran yek ji navendên peywendiya telefonî yên bajarê Nemanê li parêzgeha Beyzayê li başûrê Yemenê bombebaran kirin.
Di hemen demê de, êrişa balefirên siûdî ser kolana Senayê li bajarê Hudeydê yê Yemenê, 10 kes hatin kuştin an birîndar bûn û çend malan xisar dîtin.
Hêzên artêşa Erebistanê jî çend mûşek ber bi hin navçên bajarê El-Zahirê yê parêzgeha Senayê ya Yemenê avêtin.
Erebistanê ji Adara 2015`an bi hevpeymaniya çend welatên ereb û bi çiraya kesk a Emerîkayê bi berfirehî dest bi êrişa ser Yemenê, welatê herî xizan ê ereb ku bi mehna vegerandina Ebd Rebbê Mensûr Hadî serokkomarê îstifakirî yê vî welatî ser qawetê, bighêje armanc û zêdaxwaziyên xwe yên siyasî.Li encama şerxwaziya Erebistanê û hevpeymanên wê li Yemenê heya niha zêde ji 14 hezar yemenî hatine kuştin, û bi dehan hezar kes birînadr bûne û bi milyonan yemenî jî aware bûne.