Daxwaza Qahirê jibo hewldanên navçeyî jibo çareserkirina qeyrana Sûriyê
Wezîrê karên derve yê Misrê ser pêwîstiya hevdengiya hewldanên navçeyî û navneteweyî jibo bidestxistina rêçareya siyasî ya qeyrana Sûriyê tekez kir.
Li gorî rapora SANA Newsê, Samih Şukrî wezîrê karên derve yê Misrê ragihand ku Qahire tevî pêşewazî û piştgiriya ji encamên erênî yên hevhatina agirbesê li Sûriyê ji hemî aliyan dixweze ku jibo çareserkirina siyasî ya qeyranê û jinavçûyîna tam a grûpên terorîstî li vî welatî, hewldanên xwe bi çavdêriya Rêxistina NY hevdeng bike.
Samih Şukrî tekez kir: Çareserkirina siyasî ya qeyrana Sûriyê nîşana xwesta gelê vî welatî û garantiya berjewendî, saxlemî û yekperçetiya erdê Sûriyê li hember mudaxilên biyaniyan e.
Peywendiyên navbera Misr û Sûriyê li dema Muhemed Mursî, serokkomarê wêdeçûyî yê Misrê aloz bû lê dewleta niha a vî welatî pir hewl dide ku peywendiyên xwe bi Şamê re baştir bike.
Qeyrana Sûriyê ji sala 2011`an bi êrişa berfireh a grûpên terorîstî yên ku ji aliyê Erebistan, Emerîka û hevpeymanên wan ji wan Tirkiyê jibo sernixûnkirina dewleta qanûnî ya Beşar Esed serokkomarê Sûriyê destpê bûye.