Hişyariya li bara tehlûkeya birçîtiyê li hin navçeyên rojava Mûsilê
Yek ji nunerên parlemana Iraqê li bara mirina xelkê vî welatî ji ber birçîtiyê li navçên bin kontrola grûpa terorîstî ya DAIŞ`ê li Mûsilê hişyarî da .
Li gorî rapora roja çarşemiyê ya navenda Iraq Pressê, Metşer El-Samerrayî, nunerê parlemana Iraqê li civîneke rojnamevaniyê got ku grûpa terorîstî ya DAIŞê nahêle ku tu cure alîkariyek bighêje xelkê navçên rojava Mûsilê li parêzgeha Neynewayê û rewşa însanî li vê navçê pir xirab e.
El-Samerayî ku endamê hevalbendiya hêzên iraqî li parlemana nuneran a Iraqê ye, got: Hêzên iraqî tenê bi balefirê dikarin jibo kesên ku li rojava Mûsilê hatine dorpêçkirin û canê wan ketiye xeterê, alîkariyan bighînin.
Nunerê parlemana Iraqê tekez kir: Heyder Ebadî serokwezîrê Iraqê û her wiha fermandê operasyona azadkirina parêzgeha Neynewayê divê bi zûtirkê fermanê bidin ku xwarek û şûşên avê bi balefirê bo hin navçên Mûsilê ku hatine dorpêçkirin, bên avêtin.
Li gorî gotina el-Samerrayî xelkê herîkêm 6 navçan li rojava mûsilê ji ber şêr û pevçûnê rastî kêmasiya xwarek û avê hatine.
Operasyona azadkirina beşa rojava Mûsilê ji Sibata 2017an destpê bû. Mûsil duwem bajarê mezin ê Iraqê ye ku pêştir beşa rojhilata wê ji lepên DAIŞê hatiye derxistin.