Artêşa Sûriyê kontrola çend navçên din li Helebê xiste destê xwe
Hêzên artêşa Sûriyê taxên Qazî Esker û Tirbe Lalayê û beşa başûrî ya taxa El-Şiarê li başûrê Helebê azad kirin.
Hêzên artêşa Sûriyê li dewama rawstana xwe li hember grûpên terorîstî û çekdar li Helebê karîn kontrola taxên Qazî Esker, Tirbe Lala û beşa başûrê devera El-Şiarê li başûrê Helebê bi dest bixin.
Ji aliyê din ve grûpên terorîstî navçên dorpêçbûyî yên Fûe û Kifriyayê li derdora Idlibê kirin hedef ku li encama vê Muhemed Samî Emîn û keça wî Rama Mutî Emîn hatin kuştin.
Duh jî artêşa Sûriyê deverên Kerem El-Mîsr, Kerem El-Qatirçî û Kerem El-Tehanê xistin bin kontrola xwe.
Bi pêşdeçûna artêşa Sûriyê ji mêhwerên rojhilat û bakur ber bi beşa başûrî ya riya ber bi balefirgeha navneteweyî ya Helebê û hevgavê bipêşdeçûna ber bi meqera herî giring a terorîstan li nexweşxana El-Eynê bû baîs ku sedî 65 heya sedî 70 axa deverên rojhilata Helebê bikevin bin kontrola artêşa Sûriyê.
Hêzên dewletî yên Sûriyê ragihandin beşên berfireh ji navça navbera balefirgeha Helebê ji rojhilat heya kela Helebê li rojavayêxistine bin kontrola xwe ku riya navbera navenda Helebê û balefirgeha navneteweyî ya wê ewleh dike û dibe baîs balefirgeh wek korîdoreke hewayî jibo piştgiriya ji hêzên dewletî li pêşerojê bê xebitandin.
Her wiha hin kesên çekdar ji tirsa ku nekevin ber cizaya giran a El-Nusreyê xweradestî artêşê kirine.
Rayedarekî ewlehiyê yê Sûriyê got : Li du rojên derbasbûyî bi dehan kesên çekdar xwe teslîm kirine ew jî wextekê ku karîn xwe ji lepên El-Nusreyê derxînin.
Hilweşyaneke berfireh nav rêzên çekdar tê dîtin ku encama bipêşdeçûna berfireh a artêşa Sûriyê li beşa başûrê riya balefirgeha navneteweyî ya Helebê ye ku tam wê navça ewleh ragihînin.
Artêşa Sûriyê li operasyona xwe ya berfireh li rojhilata Helebê ku bi piştgiriya hewayî ya Rûsiyê cih tê roja duşemiyê hin pêşdeçûn bi dest xistiye û kariye derbasî navça El-Şiarê bibe . Niha ev taxa jî ketiye bin kontrola hêzên sûrî.
li gorî gotina berpirsên artêşa Sûriyê grûpên çekdar niha tenê kontrola 18 km çarkunc a rojhilata Helebê girtine destê xwe.
Rûsiye û Çîn duşemiyê biryaranama Konseya Ewlehiyê jibo agirbesa 7 rojî li Heleba Sûriyê red kirin û Moskowayê tekez kir rawestana li şerê li hember terorîstan di rewşa niha dibe serdema zêdebûna pirsgirêkên kesên sivîl.