• Li xwenîşandana roja Sêşemiyê ya filsitîniyan kesek şehîd bû û bi dehan kes birîndar bûn

Li xwenîşandana aram a filsitîniyan di salvegera Roja Nikbetê da li Zîvala Xezeyê û Kêleka Rojavayî ya çemê Urdinê filistîniyek şehîd bû û hejamreka din birîndar bûn.

Li gorî rapora navenda ragihandinê ya Filsitînê, çekdarên Rêjîma Siyonîst duih anku Sêşemiyê êrîşî ser filsitîniyên beşdar li xwenîşandana salvegera Roja Nikbetê (15ê Gulanê) kirin û gulle reşandin ser wan ku di encamê da filsitîniyek şehîd bû û herîkêm 62 kes birîndar bûn.

Filsitîniyan roja Sêşemiyê hevdem digel salvegera Roja Nikbetê (15ê Gulanê) xwenîşandanek li navçeyên cûrbicûr ên Kêleka Rojavayî ya çemê Urdinê û Zîvala Xezeyê dest pê kirin.

Hêzên dagirkerê Qudsê bi bikaranîna firokeyeka bêfirokevan gaza rondikrêj reşandin ser xwenîşanderên filsitînî li derbasgeha bakurî ya El Bîreyê.

Wezareta Tendurustiyê ya Filsitînê ragihand: Li xwenîşandana roja Duşemiyê ya filsitîniyan bi nîşana nerazîtiya li hemberî veguhestina balyozxaneya Amerîkayê bo Qudsê, herîkêm 60 filsitînî şehîd bûn û 2770 kes birîndar.

14ê Gulanê hevdem digel heftiyemîn salvegera bi sedan hezar filsitîniyan ji welatê wan û 15ê Gulanê heftiyemîn salvegera damezirandina Rêjîma sexte ya Israîlê nasyar bi Roja Nikbetê ye. gelê Filsitînê her salê di vê rojê da xwenîşandaneka dijî Israîlêî li dar dixin.

Gulan 16, 2018 10:16 Asia/Tehran