• El Ceferî: Êrişa Amerîkayê ser artêşa Sûriyê nîşana  terorîzma dewletî ye

Nunerê herdem ê Sûriyê li Rêxistina Neteweyên Yekgirtî bal kişand ser terorîzma dewletî ya Amerîkayê li Sûriyê û got ku li vê dewra muzakiran tu yek ji 4 beşên têkildarî çareserkirina krîza Sûriyê hilnekolandiye.

Li gorî rapora Fars News`ê, Beşar Ceferî, nunerê dayim ê Sûriyê li Rêxistina NY  li hember êrişa hewayî ya duh a Emerîkayê ser artêşa Sûriyê bertek nîşan da.

 El-Ceferî ku beşdarê muzakirên Jinêvê bûye tekez kir ku  êrişa Emerîkayê ser karwanê artêşa Sûriyê tê wateya terorîzma dewletî.

  Wî her wiha diyar kir ku  li hevdîtina  tev Îstefan Dê Mîstora , şandiyê taybet ê NY li karûbarên  Sûriyê tenê mesela  civîna  karzanan hilkolandiye.

 Vî berpirsê sûrî tekez kir ku tev Dê Mîstora li hev kiriye ku li pêvajoya muzakiran, civînên teknîkî navbera karzanan werin lidarxistin ne ku berî wê an piştî wê.

 Sputnikê ji zarê Ceferî ragihand  ku taxima dewletê ya Sûriyê li vê dewra muzakiran tu yek  ji 4 beşên  li bara çareserkirina  qeyranê hilnekolandiye.

 Wî bal kişand ser vê yekê ku  piştî civîna  tev Dê Mîstora, êdî civînên fermî yên taxima  dewleta Sûriyê bi dawî bûne û got: Hevhatina Astanê li bara navçên  Kêmkirina Kêşeyan, li hin navçên taybet e ne hemî erdên Sûriyê.

 Rayedarekî eskerî ya emerîkî roja pênşemiyê piştrast kir ku balefirên  hevalbendiya  bi serokatiya  vî welatî, karwanekî ser bi artêşa  Sûriyê dane ber êrişan.

 

Gulan 19, 2017 21:01 Asia/Tehran