Serokê erkantiya hevpar a artêşa Yemenê: Riya aşitiyê bi rawestandina destdirêjkiriyê destpê dibe
Serokê erkantiya hevpar a artêşa Yemenê teqez kir: Riya aşitiyê bi rawestandina destdirêjkiriyê û rakirina dorpêçê û cidiyeta praktîkî ya dijmina destpê dibe.
Li gorî rapora roja duşemiyê ya Tesnîm News`ê, serleşkir Muhemed Ebdulkerîm El-Xemarî li gotûbêja bi rojnama El-Yemen El-Cedîdê re destnîşan kir: Hêzên yemenî îro bihêztir bûne û çekên pêşlêgirtinê hene û dikarin bi wê operasyonên serketî cih bînin û ger dijminê siûdî daxwaza şerekî demdirêj bike, Yemen amadeyî berevaniya ji welêt e.
Serleşkir El-Xemarî teqez kir: Ger destdirêjiya hevalbendiya siûdî ser Yemenê bidome, ewqasî jî operasyona eskerî ya berevaniyê û rewşa ya Yemenê dê zêde bibe û dê derbê li hedefên cihêrengtir xîne û nexşeya armancên artêşa Yemenê dê berfirehtir bibin.
Serokê erkantiya hevpar a artêşa Yemenê got: Dewleta Emerîkayê bi şandina karzan û sîstem û çekan, diravên Erebistanê talan dike û dirêjkirina destdirêjkiriyê armanca Emerîka û Îsraîlê ye.
El-Xemarî di dewamê de got: Dijmin li encama işkestên xwe li qonaxa bêhêvîtiyê de ye û Yemen îro li riya serketin û pêkanîna hemaseyê ye.
Erebistanê bi piştgiriya Emerîka, Îmarat û çend welatên din ji Adara 2015` an dest bi destdirêjiya eskerî ser Yemenê û dorpêçkirina bejahî, deryayî û hewayî ya vî welatî kiriye.Li encama şerxwaziya Erebistanê û hevpeymanên wê li Yemenê heya niha zêde ji 14 hezar yemenî hatine kuştin, û bi dehan hezar kes birînadr bûne û bi milyonan yemenî jî aware bûne.
Destdirêjiya eskerî ya Erebistanê her wiha welatê xizan ê Yemenê rastî kêmasiya xwarekê û dewa dermanan aniye.