Çile 18, 2020 09:09 Asia/Tehran
  • Mesûd Barzanî şifaya lezgîn jibo Ayetullah Sîstanî xwest

Serokê Partîya Dêmokirat a Kurdistanê (PDK) di peyamekê de şifaya lezgîn jibo Merceyê Pillebilind ê Dînî yê Şîeyên Iraqê xwest.

Nivîsgeha Serokê PDK Mesûd Barzanî di daxûyanîyekê de ragihand ku piştî ku Ayetullah Sîstanî Merceyê Pillebilind ê Dînî yê Şîeyên Iraqê ket ber niştegerîyê, Mesûd Barzanî di peyamekê de bo malbat û nivîsgeha wî rewş û halê wî pirsîye.

Barzanî di wê peyamê de ji Xwedayê dilovan tenduristî û şifaya lezgîn jibo Ayetullah Sîstanî xwest.

Ayetullah Sîstanî Merceyê Pillebilind ê Şîeyên Iraqê ji ber şikestina pîyê wî ket ber niştegerîyê.

Nunerê Ayetullah Sîstanî li Îranê Hucet ul Islam Şehristanî di vî warî de got ku niştegerîya têkildarî Ayetullah Sîstanî bi awayekî serkevtî pêk hat û rewşa wî nika baş e.