Hişyariya YNK`ê li bara rewşa Şinaglê
Hevgavê bombebarana hin navçên Amêdiyê li bakurê Iraqê ji aliyê balefira cengê ya bombeavêj a artêşa Tirkiyê ku bû sedema birîndarbûna çend welatiyên sivîl ên iraqî, rayedarekî Yekitiya Niştimanî ya Kurdistana Iarqê, YNK li bara qeyranîbûna rewşê hişyarî da.
Cemîl Xizir berpirsê navenda Yekitiya Niştimanî ya Kurdistana Iarqê (YNK) li Şingalê ragihand:
A niha xêncî hêzên berevaniyê yên Şingalê, hêzên iraqî jî di vî bajarî de ne û eger Tirkiye êrişî ser van navçana bike, muhteml e pevçûn zêdetir bin.
Wî destnîşan kir: Hêzên Yekitiya Niştimanî ya Kurdistana Iarqê, YNK, li vê navçê derketin rewşa amadetiyê û eger artêşa Tirkiyê derbasî wir bibe dê ew derkevin hemberî wan.
Xizir Salih serokê civata êzdiyên Şingalê jî duh li gotûbêja bi ajansa nûçan a Silêmaniyê, hitmala êrişa artêşa Tirkiyê ser Şingalê bi hevkariya Partiya Demokrat a Kurdistana Iraqê pir zêde da zanîn.
Artêşa Tirkiyê li du mehên buhurî liv û tevegrên eskerî yên berfireh li Şingalê û hin navçên Herêma Kurdistana Iraqê jibo cihanîna operasyona eskerî cih aniye.
Liv û tevgerên vê dawiyê li navçê bi taybet piştî gotinên Receb Teyib Erdogan serokkomarê Tirkiyê li gotûbêja bi kanala NTV`yê beriya lidarxistina Giştpirsîna li Tirkiyê ku gotibû piştî lidarxistina Giştpirsînê bi alîkariya PDK`ê wê operasyona eskerî li beşek ji axa Iraqê li dijî hêzên PKK`ê cih bîne alozî gurtir kirine.
Tirkiyê 18 navendên eskerî yên neqanûnî li bakurê Iraqê ava kirine ku Başîqe ya herî giring e. Niha bi hezaran hêzên eskerî yênTirkiyê neqanûnî li bakurê Iraqê bicih bûne.