Nêçîrvan Barzanî: Em bi PKK re nakevin pevçûnê
Serokwezîrê Herêma Kurdistana Iraqê ku pêştir ragihandibû ger pêdivî be jibo derxistina PKK ji Şingalê dê ji riya eskerî bikeve tevgerê, vê dawiyê tekez kir ku Hewlêr naxwaze bi PKK re bikeve pevçûnê.
Li gorî rapora Kurdpressê ji zarê Rûdawê , Nêçîrvan Barzanî serokwezîrê Herêma Kurdistana Iraqê li axitinekê li Dihokê ragihand ku Hewlêr naxwaze bi ti aliyekê re û bi taybet bi PKK re bikeve pevçûnê û jibo ti kesî jî şêr nake.
Barzanî destnîşan kir: PKK dema pêwîst bû alîkariya xelkê Şingalê kir û niha wextê wê hatiye ku ji navçê derkeve.
Wî bala xwe da ser aloziyên di navbera hêza pêşmerge û PKK li Şingalê, paşdevekişynana pêşmeran ji Kobanê piştî alîkariya jibo azadiya wê û daxwaza hêzên YPG û ji PKK xwest ku bila ji devera Şingalê derkeve ji ber ku li gor wî, mayîna wan a zêdetir li vê deverê dê bibe sedema nearamî û bêewlehîtiyê.
Serokwezîrê Herêma Kurdistana Iraqê bal kişand ser vê yekê ku rewşa siyasî û niha li Herêmê nebaş e û got: Em naxwazin ew rewşa wisa bidome loma jibo çareserserkirina meselê dişêwirin.
Wî di dewama gotinên xwe bal kişand ser pêşeroj û çareserkirina pirsgirêkên heyî û hêvî kir: Mideha sal û nîva buhurî da, rawestana li ber DAIŞ`ê bernama me ya sereke bû ne tişta ku li parlemana Herêma Kurdistanê qewimî.
