Jan 14, 2019 18:37 Asia/Tehran
  • Piraniya derhatên niftî yên Herêma Kurdistanê dighêje şîrketên niftê

Rêxistina çavdêriya ser xebatên niftî yên Herêma Kurdistana Iraqê( Dûr) raghand ku zêde ji nîva derhatên niftê yên Herêmê dighêje şîrketên niftê yên çalak li warê niftê li Herêma Kurdistanê û divê hikûmeta Herêmê bi zûtirkê siyasetên xwe yên li warê niftê biguhere.

Li gorî rapora Kurd Press`ê, Rêxistina Nedewletî ya  Dûrê ku li bara  xebatên niftî yên Herêma Kurdistanê û derhatên wê lêkolînê dike û her salê hin raporan li vê barê diweşîne, li dawîn rapora xwe raghand ku zêde ji nîva derhatên niftê yên Herêmê dighêje şîrketên niftê yên çalak li warê derxistin, berhemanîn û derfirotina niftê yên Herêma Kurdistanê çalak in.

 Rêxistina Dûrê li vê raporê teqez kiriye ku  pêwîst e bi zûtirkê dewleta herêmê siyasetên  xwe yên niftê venihêre û rêçareyên  baş û pêkan bona guhertina  rewşê berçav bigre.

 Li vê barê  Şêrko Cewdet serokê fraksiyona Yekgirtûya Islamî li parlemana  Herêma Kurdistanê ji malpera  nûçan a SNN`ê re got ku  hemî xercên  derxistin, berhemanîn û derfirotina herêmê ser milê şîrketên  niftê ye û loma  jî zêde ji  nîva  derhatên  niftê jî dighêje van şîrketana.

Wî her wiha got ku  şêwaza xebat û derhatên van şîrketana li gor peymanên  25 salî ne ku navbera van şîrketana  û dewleta Herêmê hatine girêdanê.

Her wiha got ku  li dewra berê ya parlemana  Herêma Kurdistanê, qanûna  pêkanîna  sindûqa derhatên  niftê yên Herêma  Kurdistanê bo organîzekirina û çavdêriya  ser xebatên  niftî yên  Herêmê û derhtên wê hat pejirandin lê pêkanîna  sindûqê negihêşt qonaxa cihanînê.

Şêrko Cewdet destnîşan kir ku li dewra niha ya parlemana Herêma Kurdistanê,parlemanter dê hemî hewldana  xwe bona  avakirina vê sinûqê ku erka wê ya sereke çavdêriya  deqîq, zelalkirin û kontrolkirina derhatên  niftê yên Herêma  Kurdistanê be, bi kar tînin û ji riya van hûrgiliyan asta derhatên  niftî yên  herêmê û deynên  dewletê li vê barê kivş dibin.