Tîrmeh 12, 2018 12:53 Asia/Tehran
  • Parlemana Kurdistana Iraqê biryar li ser serokatiya Herêmê da

Parlemana Kurdistanê duh di civîna xwe de dezgeha Serokatiya Herêma Kurdistana Iraqê biryara cemidandinê (taloqkirinê) da.

Di civîna parlemana Herêma Kurdistanê biryar hat girtin ku hilbijartinên serokatiya Herêma Kurdistanê ligel hilbijartinên dewra pêncemîn ên parlemena Herêmê pêk neyên.

Di civîna parlemanê de dengdan li ser yasaya serokatiya Herêma Kurdistanê hat kirin ku tê de tê gotin, “Divê dewra pêncemîn a Parlemana Herêma Kurdistanê di heyama du salên despêka karê xwe bi saya pîvanên giştî yên destûrî, biryarê li ser çarenivîsa dezgeha Serokatiya Herêma Kurdistanê bide.”

Firaksiyonên PDK, YNK û Goranê ên li parlametoya Kurdistanê deng dan û li hemberî 16 dengên na, bi 33 dengan hat erêkirin û bi vî awayî hilbijartinên serokatiya Kurdistanê ligel yên parlemanê nayên kirin.

Li Herêma Kurdistana Iraqê 30ê Îlonê hilbijartinên parlemanê pêk tên. Piştî ku Mesûd Barzanî ji ser posta serokatiyê wê da çû , berpirsatiyên postê serokatiya Herêma Kurdistana Iraqê hatibûn dabeşkirin.