Keştiyeke 52 penaberên kurd tê de li nêzîk Îtalya noq bû
Çile 11, 2019 11:28 Asia/Tehran
Keştiyek bi 52 penaberên kurd li peravên Îtalyayê şikest, hemû koçber hatin rizgarkirin.
Sergêrê Giştî yê Yekîtiya Penaberên Iraqê Arî Hersîn diyar kir ku pênşemê saet 4:00 berbangê keştiyek ku 52 welatiyên kurd tê de bûn ji Yewnanistanê ber bi Îtalyayê birê ket û berî bikeve peravên Îtalyayê ew şikest.
Sergêrê Giştî yê Yekîtiya Penaberên Iraqê da zanîn ku hêzên parastina derya nêzîkî wê bûyerê bû û karîn wan penaberan rizgar bikin, wî herwiha tekez kir ku di nav wan penaberan de 6 jin û 4 zarok jî hebûn.
Herwiha behsa wê yekê jî kir ku piştî du saetan ji bûyerê jinek û zarokek hat dîtin, lê heta niha çarenivîsa penaberekî nediyar e.