Civîna navneteweyî ya Koweytê ji bo avedankirina Iraqê
Ji bo avedankirina Iraqê hevceyî bi alîkariya 100 milyar dularî heye.
Selman El-Cemîlî wezîrê plandarêştinê yê Iraqê li civîna navneteweyî ya avedankirina Iraqê û komkirina alîkariyan ku ji duh ve li Kuweytê destpê bûye got: Divê aramî û ewlehiyê pêk bînin û binavahiyan amade bikin da ku rewş ji bo vegeryana awareyan xweş bibe . Li vê civînê ku heya sibê didome xêncî welatên ku alîkarî dane, hin nûner ji beşên taybet jî beşdar bûne.
Mustefa Elhîtî serokê sindûqa avedankirina Iraqê jî li vê civînê bal kişand ser avedankirina binavahiyan li welatê xwe û got ku zêde ji 138 hezar mal li Iraqê xisar dîtine û nîva wan tam kavil bûne û zêde ji 2 û nîv milyon iraqî jî aware bûne.
Berdevkê Wezareta karên derve ya Îranê jî got ku Komara Îslamî ya Îranê avedankirina Iraqê karekî tam pêdivî û durust dizane û ser pêwîstiya beşdariya sadiqane û nemeşrût a civaka Navneteweyî li vê avedankirina teqez dike.Hevgavê vê civînê, nîşangeha teknolojiyên nû ya pisporên îranî li Bexadyê xebata xwe destpê kir.