Hewldana serokkomarê Iraqê jibo lezgînkirina çareserkiriya qeyrana Hewlêrê
Serokkomarê Iraqê raghand ku ji bo lezgînkirina şêwirîna navbera Bexda û Hewlêrê li bara kutakirina qeyrana heyî navbera her du aliyan hewlê dide.
Li gorî rapora ISNA`yê, û ji zarê Someriye Newsê, Fuad Mesûm serokkomarê Iraqê tevî sekinîna ser giringiya lezgînkirina şêwirînên navbera dewleta federal û Hikûmeta Herêma Kurdistana Iraqê jibo çaresrkirina hemî pirsgirêkan û raghand ku serokkomar jibo pêkanîna rewşê jibo kutakirina qeyrana heyî hewlê dide.
Nivîsgeha serokkomariya Iraqê raghand ku Fuad Mesûm îro pêşewaziya balyozê Rûsiyê li Iraqê kir.
Li gorî vê daxûyaniyê, Mesûm her wiha teqez kir ku hemî alî, çi dewleta federal û çi jî Herêma Kurdistana Iraqê baweriya xwe bi pêwîstiya şêwirînê hene û dizanin ku xêncî wê tu rêçareyek tine, lê jibo vê qeyranê şêwirîna rasterast navbera du aliyan û lihevkirina li gorî qanûna bingehîn a niştimanî pêwîst e ku berjewendiyên giştî berçav bigre .
Serokomarê Iraqê li bara peywendiyên navbera Iraq û Rûsiya Federal, baldarî û hewldana Rûsiyê jibo xurtkirina pewendiyên sadiqane, hevkariya dualî û her wiha rola Rûsiyê jibo piştgiriya ji Iraqê çi li warê rawestana li ber terorîzmê û çi jî xurtkirina pêvajoya avedankirinê, pesinand.
Balyozê Rûsiyê li Iraqê destnîşan kir ku rêvebriya Rûsiyê ser ewlehî û aramiya Iraq û giringiya çareseririna pirsgirêkên heyî ji riya şêwirîna kêrhatî teqez dike ku bibe sedema avedankirina navçên kavilbûyî û her wiha vegeryana awareyan bo malên xwe hêsan bike.
Li vê çarçoveyê, Mîxayîl Bogdanof alîkarê wezîrê karên derve yê Rûsiyê pêştir ragahndibû ku welatê wî piştgiriyê dide yekitî û yekperçetiya erdê Iraqê û daxwaza sekinîna ser qanûna binghîn a vî welatî kir.