• Operasyona taybet a Nucebayê li sêkunca sînorî ya Iraq-Sûriye -Urdin

Şervanên berxwedana Îslamî yê tevgera El-Nucebaya Iraqê li dewama operasyona paqijkirina sêkunca sînorî ya Iraq-Sûriy-Urdinê karîn ku kontrola navçeyên nû bidest bixin.

 Li gorî rapora Fars Newsê, Şervanên  berxwedana Îslamî yên tevgera Nucebaya Iraqê, di dewama operasyona  paqijkirina sêkunca sînorî ya Iraq-Sûriye-Urdinê navçeyên El-Hecer û El-Birke li başûrê rojhilata besta Himsê û du riyên sereke yên ber bi besta Sûriyê ji kontrola terorîstên tekfîrî azad kirin.

Her wiha yekînên  mûşekî yên Nucebayê li bara têkbirina hejmarek ji trimbêlên zirihî û trimbêlên  hilgirê tîrbarê yên DAIŞê li Um El-Rumelê li besta Sûriyê agahî da.

 Li gorî vê raporê, piştî ku Heşda Şebî gihêşte sînorê navbera Iraq û Sûriyê, kontrola beşek ji kemberê sînorî yê van du welatan bi hevhatina  dewleta Şamê hat sipartin bo şervanên  berxwedana  Îslamî ya Nucebayê.  Pêştir Ekrem  El-Kebî, sekreterê giştîyê tevgera berxwedana Îslamî ya El-Nucebayê ser dewama  hevrêtiya vê tevgerê tev artêşa Sûriyê  jibo rawestana li hember terorîstan tekez kiribû.

 Li gor nûçeyeke din hêzên ewlehiyê yên Iraqê, 25 jinên endamê koma terorîstî ya DAIŞê ku li tûnêla jêrzemînî li beşa kevn a Mûsilê  xwe weşartibûn , girtin.

 Heyder Ebadî, serokwezîrê Iarqê, 10 Tîrmeha îsla, azadkirina  tam a Mûsilê ji lepên  DAIŞê bi fermî ragihand.

 Grûpa terorîstî ya DAIŞê, 10 Hezîrana  2014an  bajarê Mûsilê, navenda parêzgeha Neynewayê dagir kiribû.

 

Jul 17, 2017 16:06 Asia/Tehran