Pêla nû ya kuştinan li Mûsilê
Komîsyaryayê pilebilind ê mafên mirovan ê NY roja sêşemiyê ragihand ku endamên DAIŞê li heftiya buhurî bi despêkirina operasyona azadkirina Mûsilê pêleke nû ya kuştinan xelkê Mûsilê bi rêxistine.
Komîsyaryayê pilebilind ê mafên mirovan ê NY ragihand ku raporên destpêkê nîşan didin ku endamên DAIŞ`ê heftiya buhurî bi dehan kes ji xelkê Mûsilê kuştine.
Li gorî rapora Komîsyaryayê pilebilind ê mafên mirovan ê NY hêzên iraqî pêncşemiya heftiya buhurî meytên 70 kesên sivîl li gundê Tel ul Nasirê ku bi derba gullan hatibûn kuştin dîtin.
Her wiha hêzên iraqî roja yekşemiya buhurî meytên 50 kes ji hêzên berê yên polîsê Iraqê li derveyî bajarê Mûsilê dîtin.
Robert Kolfîl bal kişand ser vê yekê ku endamên DAIŞê xelkê sivîl ên Mûsilê wek mertala însanî li hember hêzên iraqî bi kar tînin û got : Li gorî raporan endamên DAIŞê li gundê El-Sefînê li 45 km başûrê Mûsilê 15 kesên sivîl kuştin û avêtin nav çêm.
Ev çavêrtiya heye ku ev operasyon tevî beşdariya nêzîkî 30 hezar hêzên dewletî û şervanên eşîrên sune û pêşmergan çend hefte an çend mehan bikşîne. Tê gotin ku 4 heya 8 hezar endamên DAIŞê li Mûsilê bi cih bûne.
Ji aliyê din ve hat ragihandin ku Amerîka û Tirkiye hewl didin rê li ber pêşveçûna hêzên iraqî û şikesta DAIŞ`ê bigirin.