Rûsiyê dagirkeriya Emerîkayê li Sûriyê rexne kir
Rûsiyê bal kişand ser neqanûnîbûna mayîna hêzên emerîkî li Sûriyê û ragihand ku ev hêz berûvajiya viyana dewleta Şamê û jixwe mîna dagirkiran reftarê dikin.
Li gorî rapora Sputnik`ê, Mariya Zaxarowa berdevka Wezareta karên derve ya Rûsiyê nav koma nûçegîhanan got: ``Konseya Ewlehiyê ya NY li gorî manîfesta vê rêxistinê tenê saziyek e ku dikare li ser bikaranîna hêza eskerî li civaka cîhanî biryarê bide``.
Zaxarowayê her wiha diyar kir: ``Konseya Ewlehiyê îzna mayîna eskerî li Sûriyê nedaye Emerîkayê û xêncî wê hêzên emerîkî berûvajiya xwesta dewleta qanûnî ya Sûriyê li welatê hanê de mane û ji xwe mîna hêzên dagirkir reftarê dikin``.
Cêyms Metîs wezîrê berevaniyê yê Emerîkayê vê dawiyê îdia kir ku NY îzna şandina hêzan bo Sûriyê daye Waşengtonê ji ber ku biryarnama li dijî koma terorîstî ya DAIŞ`ê daye.
Li pey vê îdiaya wezîrê berevaniyê yê Emerîkayê, Sergeyî Lavrov wezîrê karên derve yê Rûsiyê jî qanûnîbûna mayîna hêzên emerîkî li Sûriyê, îdiayeke pûç û bêbingeh da zanîn.
Tê gotin ku 500 misteşarên emerîkî bi awayekî neqanûnî li axa Sûriyê de ne.
Qeyrana Sûriyê ji sala 2011`an bi êrişa berfireh a komên terorîstî yên ku ji aliyê Emerîka û Erebistanê jibo sernixûnkirina dewleta qanûnî ya Beşar Esed serokkomarê Sûriyê destpê bû.