• 17 kuştî li encama gulleavêtina li xwendingeha Florîdayê ya Emerîkayê

Piştî gulleavêtina bikuj li xwendingeheke eyaleta Florîdayê ya Emerîkayê, herîkêm 17 kes hatin kuştin.

 Li gorî rapora  IRIB News`ê, polîsê Florîdayê vê sibê raghand ku sebebkarê gulleavêtina li lîseya  Stonmen Daglasê ya bajarê Paraklendê ya Florîdaya  Başûr, ciwanekî 19 salî bi navê Nîkols Kiroz e ku  midehek berî niha  ji ber pirsgirêka reftarî ji xwendingehê hatibû derxistin.

 Rayedarên  nexweşxanên  eyaleta Florîdayê  heya niha mirina 17 kesan li vê bûyerê piştrast kirine û raghandine ku halê hin birîndarên vê bûyerê xirab e.

 Hejmara  birîndarên  lîseya  Stonmen Daglas a Florîdayê li gor  rayedarên  nexweşxanên vî bajarî navbera 20 heya 50 kesî hatiye ragahndin.

 Li gorî rapora  polîs, sebebkarê gulleavêtina  lîseya  bajarê Parklendê ya Florîdayê ku gelek çek û sîleh di destê wî de hebûne, gulleveêtin ji dervey xwendingehê destpê kiriye û piştî wê ketiye nava xwendingehê û êriş kiriye ser xwendevanan.

 Donald Trump serokkomarê Emerîkayê ku bi xwe yek ji alîgirên  sereke yên xwedîçekên li  Emerîkayê ye, wek berteka li hember gulleavêtina  bikuj a lîseya Stonmend Daglasê di twîtera xwe de nivîsî: "Nabe tu kes li xwendingehên  Emerîkayê hest bi bêewlehiyê bike".

 

Feb 15, 2018 09:40 Asia/Tehran