• Rêxistina Netewên Yekgirtî daxwaza lêkolîna li bara binpêkirina heq û mafê mirovan li Yemenê kir

Zêyîd Bin Reid El-Husên Komîsirê bilinde heq û mafê mirove Rêxistina Netewên Yekgirtî îro sêşemê daxwaza lêkolîna li bara binpêkirina heq û mafê mirovan li şerê nav Yemenê kir.

Li gor rapora ajansa nûçan a IRNA`yê, Zêyîd Bin Reid El-Husên Komîsirê bilinde heq û mafê mirove Rêxistina Netewên Yekgirtî bal kişande ser viya ku vê saziyê kuştina 5 hezar û 144 kesên sivîl ji ber destdirêjiya hewayî ya hevalbendiya navnetewî ya bi serokatiya Erebistanê ser axa Yemenê piştrast kiriye destnîşan kir: Pêwîste ku lêkolînekî navnetewî ser vê meselê bê kirin.

 Zêyîd Bin Reid El-Husên li gotinên xwe yên li Konseya Heq û mafê mirove Rêxistina Netewên Yekgirtî li Genevayê bal kişande ser viya ku kaviliyên Yemenê û belayên ser xelkê vî welatî dûhatên zav dê li seranserî navçê hebin got: Xebatên ji bo lêkolîna ser xetera binpêkirina heq û mafê mirov li şerê Yemenê têrê naken û pêwîste pirtir li vê barê lêkolîn bê kirin.

Erebistanê bi palpiştiya birek ji welatên erebî yên navçê û Amerîkayê ji 26`ê Marsa sala 2015`an va bi berfirehî êrişên xwe yên hewayî ser Yemenê destpê kirin û hema ji wê çaxê va dixebite ku Mensûr Hadî serokkomarê reviyayî yê vî welatî carek din bîne ser desthilatê lê xelkê Yemenê li dijî vê siyaseta Riyazê ne.

Sep 12, 2017 13:45 Asia/Tehran