Nihêrîna bêencam a Yekitiya Ereban li hember Filistînê
Dîplomatê berê yê Misrê, nihêrîn û kiryarên Yekitiya Ereban li hember Filistînê bêencam da zanîn.
Ehmed Mehmûd, dîplomatê berê yê Misrê li hevpeyvîna bi Sputnik`ê re li bara civîna awarte ya Yekitiya Ereban jibo hilkolandina rewşa Gazayê û guhestina balyozxana Emerîkayê bo Qudsê got: ``Encamên vê civînê dê hema li asta şermezarkirina devkî ya Rejîam Siyonîstî be û dê bêfeyde be``.
Dîplomatê berê yê Misrê got ku ``Yekitiya Ereban dikare liv û tevgerên cidîtir li hember kiryara vê dawiyê ya Emerîkayê li Qudsê hebe ger çi ev kiryar mane derengiyê``.
Yekitiya Ereban roja çarşemiyê di asta nûnerên dayim ên welatên endamê vê yekitiyê li bara hilkolandina alûgurên Filistînê civîn pêk anî.
Biryar e civîna awarte ya Yekitiya Ereban li asta wezîrên karên derve jî li bara Filistînê û Qudsê îro pêncşemiyê li Qahirê were lidarxistin.
Dewleta Emerîkayê jî duşemiya vê heftiyê balyozxana xwe ji Telavîvê guhest Qudsê ku ev kiryara li dijî qayîde û qirarên navneteweyî, bû sedema nerazîbûna xelkê Filistînê.
Eskerên Rejîma Siyonîstî bi serkutkirina vê nerazîbûna bi aşitî filistînîniyên sivîl li Gazayê dan ber gullan ku li encama wê zêde ji 60 filistînî şehîd bûn û nêzîkî 3000 kes jî birîndar bûn.
